Алматы облысы прокуратурасында кәсіпкерлердің құқығын қорғау тобы жұмыс істейді.
Тексеруші органдар тарапынан құқық бұзушылық орын алған жағдайда төмендегі сенім телефондарына немесе электрондық мекен-жайға хабарлауларыңызды сұраймыз: : т. 8(7282) 27-33-15, 27-38-10, 27-18-51 және 87015552597, 87017573672, «www.pravstat.kz», «alm-otd-kanc@prokuror.kz», http:blog.alm.prokuror.kz».

«Тәуелсіздіктің жиырма шыңы» 20 жұлдызды күні аясында өткізілген «Алтын теңге» күні туралы
Қазақстан Республикасы Тәуелсіздігінің 20 жылдық мерекесіне орай Тәуелсіздіктің жиырма шыңының 20 жұлдызды күні аясында 2011 жылғы 7 желтоқсанда облыс көлемінде «Алтын теңге» күніне орайластырылып, Тәуелсіздік жылдары еліміздің қаржы жүйесінің дамуына елеулі үлес қосқан облыстық қаржы, экономика және бюджеттік жоспарлау басқармаларының, салық, қазынашылық пен мемлекеттік мүлік және жекешелендіру департаменттерінің, сонымен қатар қаржылық бақылау инспекциясының қызметкерлеріне құрмет көрсету бойынша арнайы іс-шаралар өткізілді.
Осы іс-шараға сәйкес салтанатты жиында Облыс әкімі А.Т. Мұсаханов ел тәуелсіздігінің 20 жылдық мерейтойы қарсаңында көп жылдар бойы еңбек етіп, облыстың қаржы саласының дамуына өзіндік үлестерін қосқан 11 ардагерге шынайы лебізін білдіріп шапан жауып құттықтап, арнайы белгіленген ақшалай сыйлықтар тапсырды. Сонымен қатар қаржы саласының қызметкерлеріне құрмет грамоталары мен алғыс хаттар тапсырды және 56 қызметкерге ақшалай сыйлық табыс етті.
Сондай-ақ, жиында қаржы саласының үздік қызметкерлеріне Қаржы министрінің «Қаржы қызметінің үздігі» төсбелгісі, грамоталары мен алғыс хаттары тапсырылды.
Ардагерлердің атынан қаржы саласының ардагерлері Ілімжанов Әбдіманан Махметұлы мен Самалбаева Ғалия Өнербайқызы сөз сөйлеп, облыс әкімі А.Т. Мұсахановқа алғыстарын білдірді.

2011 жылдың 30 қарашасында І. Жансүгіров атындағы Мәдениет сарайында ел тәуелсіздігінің 20 жылдығына орай ұйымдастырылған салтанатты жиында Облыс әкімі А. Мұсаханов облыстың қызметкерлерін құттықтап, Қазақстан Республикасының Президенті Н. Назарбаевтың «Қазақстан Республикасының тәуелсіздігіне 20 жыл» мерекелік медалін тапсырды. Соның ішінде аталған медальмен облыстық қаржы басқармасының бастығы С. Қасымов пен қаржы басқармасының 2 қызметкері марапатталды.

Алматы облысының қаржы басқармасы «Қаржы жүйесі органдарының мамандарын даярлау, қайта даярлау және біліктілігін арттыру орталығы» АҚ-мен бірігіп Қазақстан Республикасы Үкіметінің 2008 жылғы 6 маусымдағы № 544 «Нәтижеге бағдарланған бюджетті енгізу жөніндегі іс-шаралар жоспарын бекіту туралы» Қаулысына және Қазақстан Республикасы Қаржы министрлігінің 2009 жыл 24 шілдедегі № 318 бұйрығына сәйкес 2011 жылдың 8 тамызынан бастап облыс көлемінде ҚСХҚЕС-ке көшуге байланысты мемлекеттік мекемелердің есепшілеріне семинарлар өткізуді ұйымдастырып отыр. Биылғы жылға облыс бойынша мемлекеттік мекемелерден 430-дан астам оқуға тілек білдіруші тапсырыс түсті, оның 103 есепшісі сертификатқа ие болды, 48 есепші оқып жатыр.